Jakmel/ Presse/ Agresyon Polisyè

Mwen, Fritzner Philogène , Jounalis, responsab enfòmasyon nan Radyo Express Continental Jakmel, mwen sibi agresyon anba men yon ajan UDMO Bastien Novembre maten dimanch 8 novanm-lan nan lokalite "'Nan Midi" komin Lavale Jakmel.

Lite anviwon 10 zè maten-an, m'te abò yon motosiklèt ap sòti Lavale akonpaye yon Kòleg jounalis Romanès Samedi, kap travay nan Radyo Hispaniola.
Depi "Nan Midi" pou rive Dade, tout wout-la fèmen ak barikad...Lem rive piba "Nan midi", mwen jwenn yon gwoup UDMO kap kanpe motosiklèt fè moun leve wòch debare wout.
Lè Bastien Novembre rive sou motosiklèt pam-nan, avèk anpil awogans li di map site : "Tout moun ap desann motosiklèt-la poun ramase wòch debare wout la "...Lèm konstate polisye-a ensiste poun desann ramase wòch, Mwen reponn misye, negatif, nou pa nan epòk tonton makout polisye paka ap fòse sitwayen pezib ki pwal okipe aktivite yo pou debare wout.

Chofè-a palaswit pran kle moto-a lonjel banmwen, Bastien Novembre bondi sou mwen avek anpil agresivite li pran kle moto-a nan menm sazantann.

Kitem raple nou, menm ajan UDMO sa, Bastien Novembre te maspinen mwen devan komisarya Jakmel la epi kondwi mwen jiska ronpwen komisarya-a avek zam li pwente sou mwen ap lanse move pawòl.
Zak sa te pase nan mwa Oktòb 2008...Lajistis Jakmel te kondane polisye-a a yon pènn sivil men Jij Frantz Elmorin pat bay polisye-a pènn penal la.

Kòman nou estime konpòtman yon polisye konsa...?



Share this post